最惡劣的時候，是一九九九年第二齣自導自演作品《殺殺人跳跳舞》在香港市場全面失陷的時候。
甄子丹說，最差，還只是找人融資完成電影的後期。從影接近三十年，他說他從不缺錢，問題只是在於是多是少。
由《笑太極》一直拍到二零零二年成功殺入荷里活，甄子丹沿途揮動拳頭擺開架勢，直至，他遇上荷里活，一個火花，甄子丹從此識飛……

如果要給甄子丹之前走過的路下個基調，走運會是個合適的用詞。由出生到興趣到際遇，通通都為他的一切鋪下伏線……

也文也武
甄子丹的父親是波士頓《星島日報》的編輯，而母親則是美國十大教頭，教的是太極拳，徒子徒孫，遍布全地球。
「其實我父母本身係搞音樂o既，所以好細個我已經學琴；而同一時間，我亦都跟我媽媽練拳，因為o個陣美國好流行李小龍、成龍o既電影，所以我對功夫真係幾沉迷。」
甄子丹的沉迷不是空談，跟母親習武以外，十八歲那年，他更跑到北京學拳，所有所有，無非為武……
「o個陣時我都無諗過以後會有機會拍戲，估唔到遇上袁和平，佢會覺得我適合o係呢行發展……」
一個袁和平，徹底改變甄子丹的所有所有。

袁和平
今日的袁和平，是荷里活最炙手可熱的武術指導，一齣《廿二世紀殺人網路》，讓我們的袁八爺變成神；八十年代，袁加班的《奇門遁甲》一樣雄霸香港電影圈，那時候，甄子丹剛再西安完成一個武術課程，打算回到美國……
「八爺o個陣打算離開嘉禾，諗住o係市場搵個新人作為力捧對象，搵呀搵，咁o岩八爺個家姐曾經跟我媽習過武，o係佢推薦下，我終於見到八爺；我仲記得o個日就o係美孚一間酒樓，嘩，袁家班幾十人o係晒度，o個種強烈o既電影班底感覺，我到而家仲記憶猶深。」
甄子丹埋班，袁和平給他一開已經是兩部電影：第一齣《笑太極》、第二齣《情逢敵手》，然後，甄子丹成為圈中人所共知的袁和平右手，袁和平契仔。
《無八爺我就無今日，當時八爺俾好多機會我，我我幫佢度o既動作、鏡頭都面俾好大信心我。」
輾轉經年，兩師徒先後已然在荷里活闖出名堂……
「上個禮拜我o係洛杉磯同八爺食飯，好開心，開心到唔知講咩；以前大家成日o係埋一齊，太close，反而唔係太識得欣賞八爺o既功力；而家人大o左，經歷多o左，對八爺o個種佩服，係由心而o黎……
異地重遇，各有一番風雲，甄子丹說，很多感激的說話他亦不從何說起，不過對於八爺的知遇之恩，他一直銘謝於心。
「年紀越大，o個種飲水思源o既念頭越強，對八爺，我真係五體投地。」

我唔做老闆
甄子丹是個電影全材，由台前的演員到台下的剪接、武指、導演、配樂、監製通通在行；因為九十年代他剛過電影老闆也做過導演。
作品是《戰狼傳說》和《殺殺人跳跳舞》。
「我覺得o係電影方面我係有o的天份，好多shot，好多連續o既動作，我望幾眼已經全部記得；好似剪片咁，我自己玩下玩下，剪接師出去食玩餐飯我已經識得點剪；不過講到自己投資搞戲……我諗我以後都唔會。」
1999年，甄子丹自資自導的第二齣電影上映，香港票房慘淡，那種創傷，甄子丹猶有餘悸……
「o個陣時虧o左我好多錢，不過我覺得錢蝕o左唔係最大問題，對我o黎講，係o個種挫敗感先緊要；其實我真係好好運，o個套戲，日本人好鍾意，外國吳少導演亦好欣賞，佢令我越來越受外國市場o既注意；拍完齣戲，令我學識o左好多電影上o既o野，世事就係咁，賺與蝕，唔係眼前o既小小結果可以講明一切。」
甄子丹強調，他可以擔任一部電影的任何位置，除了是負責投資的老闆……
「有o的o野試過就夠，創作人同行政人同時兼顧，對一部電影係唔健康o既；而家我好清楚我拍戲o既目的係乜，無謂分心去做一o的我而家毋需要亦唔想做o既o野。」
今年十一月，甄子丹的第三部導演作品將會開拍，老闆是日本人，班底、演員清一色是日本人，一切的果，早種於甄子丹之前撒下的因。

香港有個荷里活
二零零一年，甄子丹N年前的作品《鐵馬騮》正式在美國上映，陳年舊戲，卻勁收過億港元，荷里活轟動過好一陣，連甄子丹亦愕了然。
「我真係有o的受寵若驚，我真係好好運，Miramax買o左我五齣舊戲，連《笑太極》都買埋，《鐵馬騮》o個種受歡迎程度，完全超乎我想像，好多荷里活o既導演、演員，都會師傅、師傅咁叫我，我o係荷里活受到o個種尊重，我都唔識得點樣形容……」
二零零二年，甄子丹有六部戲在手，美國的，日本的，不過他依然跑到香港拍戲……
「港產電影o既功夫潮流，由幾十年前o既《黃飛鴻》系列到李小龍、成龍、袁和平，從未間斷，功夫電影o既影響力，遍及全世界；但近兩年，呢個優良o既傳統o係香港反而中斷o左，無新血、無發展，我覺得好可惜，所以，我一定會返香港拍戲。」
甄子丹的話，多多少少說明，香港人的寶，其實從來就近在眼前。